香港車位價20萬港元買日本樓
昨日有一份免費報紙的頭版，居然是講買日本樓，頭條寫住” 去日本買樓廿萬港元有交易”，我諗好多人見到，都會問係唔係真係禁平??係唔係D鄉下地方?原來20萬真係可能買日本一線城市物業。連報紙頭版，都要介紹買日本樓，我相信好多香港人已對日本樓虎視眈眈。同埋呢個投資項目，係香港已經開始Hit，多個傳媒先會爭相報導。
係香港，上車盤的入場費大約300萬港元，20萬港元連一成首期都未夠比，最多只能買車位，靚小小地區的車位，可能都買唔到。同一筆錢係大阪已經可以full pay買樓做包租公。而且回報平均達8厘，非常吸引。
日本自2012年尾QE後，東京成功申辨奧運、以憧憬開賭，下跌多年的樓市開始上升，而且租金回報達7-10厘，比起香港樓市租金回報約3厘﹐加上政府辣招，令港人紛紛投資日本物業。
據都市日報報導，以鄰近關西空港、距離大阪心齋橋約半小時車程的「堺駅」為例，一個實用面積約168呎的開放式單位，業主叫價300萬日 圓連租約放售，後因急需現金劈價至260萬日圓，即大約20萬港元。以每年收租38.4萬日圓計，即使扣除管理費、大廈維修基金、固定資產和都市計劃稅及 收租公司服務費，年收入可達25.6萬日圓，折合約2萬港元，淨回報達9.9厘。
就算是在大阪的大車站，如新大阪站附近的物業，最平大約350萬日元，30萬港元有找便成交。租金回報約8-10厘。
About Me:
About Me:
80後財經博客 洋沖
